Agrabla surprizo sur sarda plaĝo

Legante n-ron 34 de Beletra Almanako mi ricevis agrablan surprizon.

Bonvenon! en la libroservo de la Triopa Kongreso en Malago

Hodiaŭ, tute surprize al mi, aperis en la libroservo de la Triopa Kongreso en Malago kelkaj ekzempleroj de la komikso Bonvenon! kaj ŝajnas, ke ĝi rapide elĉerpiĝos… Mi ĝojas!

Fulmokartoj por la komikso je dispono!

Por la fanoj de Bonvenon!, jen bela novaĵo: estas je dispono fulmokartoj kiel lernohelpiloj, krom la aŭddosieroj!

Ĉu vi deziras lude kompreni la komikson per la fulmokardoj? Legu la freŝnovan paĝon Anki de ĉi tiu retejo!

Bonvenon! en la komiksfoiro de Garbagnate

Danke al la helpo de amikino Alessandra Liberati, Bonvenon! ĉeestas la hodiaŭan komiksfoiron de Garbagnate.

Novaj sondosieroj de Bonvenon! je dispono

Por la fanoj de Bonvenon! Bonvolu malfermi la paĝon Aŭdi kaj aŭskultu la freŝe novajn sondosierojn! Mi atingis paĝon 37.

Pro najleto bagatela pereis ĉevalo plej bela. Trovu la najleton!

Hodiaŭ mi kreis novan retpaĝon, titole Korektoj, por listigi iujn evidentajn erarojn kiuj svarmas tra la tekstoj de la bildalbumo. Se vi travas najleton, t.e. tajperaron aŭ similan malglataĵon, ne hezitu kontakti min!

La komikso Bonvenon! je dispono en universitata biblioteko

Estas mia plezuro anonci, ke la komikso Bonvenon! estas je dispono por konsultado en la universitata biblioteko de la UvA (Universitato de Amsterdamo). Dankon al Stefano Giani pro la helpo kaj la ĝentileco.

Priskribo de la komikso en facila lingvo

Mi verkis artikoleton por priskribi la kialon de ĉi tiu eldon-projekto en la retejo Facila de UEA. Jen la komenco:

Malofte okazas, ke lernejaj instruistoj petas mallongan Esperanto-kurson de fakulo post rigardo de televida intervjuo. Malofte, jes, sed tio foje okazas. Kaj tio okazis al mi en la jaro 2017, kiam la atento al Esperanto en la ĝenerala socio estis pli granda ol kutime.

Mi estas fakulo pri Esperanto ĉar mi instruas ĝin en du universitatoj, kaj pro tio de tempo al tempo oni petas de mi intervjuon pri la temo. En la lernejo “Riccardo Massa” en Milano, Italujo, oni jam konis mian klason pri la kreado de lingvoj, ĉar mi jam gvidas dum multaj jaroj tiun klason en bazlernejo laŭ la metodo Montessori. Post kiam la mezlernejaj instruistinoj rigardis la televidan intervjuon, ili petis min starigi kurseton pri Esperanto. Mi jesis al la propono entuziasme.

Scivolema? Finlegu!

Mi profitas la okazon por publike danki Anna Lowenstein pro la invito verki ĉi tiun artikoleton.

Bonvenon! alvenas al Malagasio kaj Kongo

Danke al la malavaro de esperantisto Herman Deceuninck, ekzempleroj de la komikso Bonvenon! alvenas al Malagasio kaj Kongo.

Mi feliĉas pro tio! Dankon al li pro la subteno!

Saluton!

Ĉi tiu malgranda retejo celas prezenti la komikson Bonvenon! Laŭra kaj Petro malkovras Esperanton de Federico Gobbo kaj Yuri Gamberoni eldonita en 2018 fare de Mondial, Novjorko.